Peskov Lukaşenkonun Rusiyaya səfərinə hazırlıqla bağlı sualı cavablandırıb

Belarus prezidenti Aleksandr Lukaşenkonun Rusiya Federasiyasına səfəri hələ planlaşdırılmayıb.

 

Oxu24.com xəbər verir  ki,bu barədə Rusiya liderinin mətbuat katibi Dmitri Peskov növbəti brifinq zamanı bildirib.

 

Jurnalistlərin qeyd etdiyi kimi, Lukaşenko yenidən dövlət başçısı seçildikdən sonra ilk xarici səfərinin Rusiya Federasiyasına olacağını vəd edib. Bunun fonunda onlar Kreml təmsilçisindən Moskva və Minskin belə bir səfərə hazırlıq görüb-görmədiyini soruşdular.

 

Peskov deyib: “Bu səfər hələlik planda yoxdur.

 

O əlavə edib ki, Rusiya və Belarus arasında çox sıx müttəfiqlik münasibətləri var. Eyni zamanda, onların inkişafı həm Belarus liderinin, həm də Rusiya prezidenti Vladimir Putinin gündəliyinin tərkib hissəsidir.

 

Belarusda prezident seçkiləri 2025-ci il yanvarın 26-da keçirilib və Lukaşenko qalib gəlib. İlkin məlumatlara görə, hazırkı prezidentə seçicilərin 86,82 faizi səs verib. Yekun nəticələrin fevralın 3-də açıqlanması gözlənilir.

 

Belaruslu həmkarını yenidən seçilməsi münasibətilə təbrik edən Putin onun qələbəsini inandırıcı adlandırıb. O, son vaxtlar Moskva və Minskin ikitərəfli əlaqələrin möhkəmləndirilməsi istiqamətində çox iş gördüyünü vurğulayıb və bu istiqamətdə işlərin davam etdiriləcəyinə ümid etdiyini bildirib.

 

Bundan əvvəl Belarus respublikada keçirilən prezident seçkilərini tənqid edən Qərb ölkələrinə cavab verib.

 

Nigar